Feltet er kring 500 m langt og 175 m breitt, orientert VNV-OSO. Hoveddelen av røysene ligg i den austlegaste delen av feltet, frå utmarksgjerdet på bnr. 38 og vestover til murane av den austlegaste sommarfjøsen (kring 175 m vestover). Truleg er det innan dette området Fett i si tid registrerte 39 sikre røyser, som han skildra slik: -"ingen går sikkert over 7 m i tverrmål, men mange er på 1-3 m. To er så høge som 0,75 m, 10 er på 0,5 m, elles er alle låge. Tre er langhaugar, den eine minst 14 m O-V, den andre 7 m NNV-SSO, den tredje er 8 m N-S. Haugane er mest alle lyngkledde, og det ligg fleire lyngkledde haugar og knausar ut over, som liknar gravhauger, og som til dels kan hende er det og."Nettopp dette siste tilhøvet gjer at det er grunn til å tru at ein del av dei lyng- og brakekledde haugane vidare vestover også kan vere gravrøyser. I alle høve kan ein del av dei mange haugane som ligg på den grasvaksen flata kring murane av den vestlegaste sommarfjørsen (kring 250 m VNV for den austlegaste), vere gravrøyser.