Haugen fk. 2/1 som blir kalla "Vetlehaugen", er 17 - 18 m i tverrmål, kring 2,5 m høg og tilvaksen med grastorv. Det stikk enkelte 0,1 - 0,7 m store steinar/blokker fram i dagen. I søre del av haugen er der to søkk. Søkket som ligg lengst SO er kring 4 m langt, 2 m breitt og 1 m djupt. Søkket som ligg lengst SV er kring 3 m langt, 2 - 3 m breitt og 0,5 - 1 m djupt. Røysa fk. 2/2 ligg 24 m NNO for fk. 2/1. Ho er kring 10 m i tverrmål, opptil 0,5 m høg og bygd av 0,3 - 1 m store blokker som er sterkt tilgrodd med mose. Der veks lauvtre, einer og lyng på røysa. Over røysa går det ei kraftline. Røysa fk. 2/3 som vert kalla "Storhaugen", ligg ca. 54 m NNO for fk. 2/2. Ho er kring 12 m i tverrmål og opptil 1 m høg. Det stikk fram ein del 0,1 - 0,6 m store steinar/blokker, men røysa er elles tilvaksen med mosetorv, lav, lyng, einer og lauvtre. I sentrum av røysa er der eit kring 2 m i vidt og 0,5 m djupt søkk der det veks einer.