10m NA for dyrka mark, 5m S for delet mot 84/2: Heller med opning mot SSA. Slakt VNV-hellande grunn i ASA-lege halvdel. Lengda VNV-ASA er 20m, avstanden frå dryppekanten inn til fjellveggen er 3-4m, høgda er 12-15m. I VNV viste prøvestikk 1m innanfor dròpefallet: kolsvart jord frå 0,1 til 0,35m's djupn. I ASA viste tilsvarande prøvestikk meir brunaktig jord. Gardsnamnet Heddeland kjem av denne helleren (hedderen på tidlegare dialekt). Segna seier at her har vore tingplass, derfor namnet Tinghedderen eller Tinghelleren. Men det må ha vore etterpå 1819. Før den tid blei tinget halde på anten Kaddeland eller Leirkjerr, det heitte Kaddeland eller Leirkjerr tinglag, og det omfatta Halse, Harkmark, Holum, Øyslebø, Laudal og Finsland. Det var fyrst i 1819 at Øyslebø, Laudal og Finsland blei skilt ut som eit eige tinglag med tingplass på Heddeland. Det høyrde heile tida til Mandal sorenskriveri.