Beskrivelse fra Enkeltminne:
Lagmansstova i tunet på Aga er ei stor røykstove som står på ein høg kjellar frå mellomalderen. Stova har findalslaft og ho er årringsdatert til perioden 1200 - 1230. Stova har hatt 3-romsplan med 2 spissbogeforma dører i sørveggen, ei dør til gangen og ei dør til koven. Stova må ha hatt ein hovudreparasjon i 1485 og ein ny reparasjon i 1768 då sperrene vart fornya og ein halvlem og ein bete vart lagt inn. I 1811 vart romma sør for stoverommet fornya med stove, kjøken og gang i sagskore lafteverk. det meste av taket er tekt med store rombeforma skiferheller.
Det er tilkomst frå ein sval på vestsida via ein trapp. Det er og tydelege spor av ein tidlegare sval langs austveggen.
Kjellaren under stova er delt i 2 rom, begge med tilkomst frå dører i vestveggen
Beskrivelse fra Bygg:
Tømret stove lafta i findalslaft,tømra rom innvendig 7 x 7,5 meter, store dimensjoner på tømmeret. Høgd frå golv til møne 5 meter. Tømmer, sperr og bete er orginal frå 1275.Stove bygget saman med ei gang og eit kammer med lem over i 1811. Før 1811 sto truleg eit stavbygd kapell der romma frå 1811 er bygd. Heile dette bygget står på to mura kjellere. I fasade mot vest er ei svalgang. Før 1811 også svalgang mot aust. Halvlem over tømra stove, og lem over sørdelen. Dette siste er frå 1811. Vindauge og helletak frå 1811.