Beskrivelse fra lokalitet:
Eikrem ligg nord for Volda sentrum og på austsida av Voldsfjorden. Tunet på brnr. 4 ligg noko opp frå fjorden, saman med nabotun og med relativt lite dyrka jord att kring tuna. I tunet på brnr. 4 ligg det eit noko nyare bustadhus nedst i tunet, ein eldre løebygning i øvre del av tunet, medan gamlebuda ligg mellom, på toppen av ein sørvendt bakke
Beskrivelse fra Enkeltminne:
Bud i ei høgd med 3 rom på langs. Bursrommet i midten er lafta med ovalt lafteverk og raulandshogg. Lafteverket i sørveggen dekkjer også heile sørveggen i litlebuda og dei øvrige stavleiene i lafteverket dekkjer begge endane slik at dei lettbygde skota i kvar ende høyrer med som ein del av laftekonstruksjonen. Hovudinngangen er i austre enden av nordveggen der ein går inn i ytste bua og derfrå vidare inn i midtibuda. Litlebuda i vestre enden har eigen inngang frå nord. Gavltrekanten i ytterveggen mot aust er lafta. Forøvrig er ytterveggane i ytstebuda og litlebuda av enkelt bindingsverk under stavleiene.