Funnkartet nr. 1. Funnstad for B 12314 og HMH 2155. B 12314 - HMH 2155 Yja. klebergryte f. i ei lita myr oppe på Bergesfjellet, 60 m NV for det vesle vatnet midt oppå fjellet. Myra er 4-5 m i tvm. og ligg mellom nokre bratte berg, som eit husrom. Her fanst og to heile handkvernar. Den eine er HMH 2155, den andre ligg på eit berg attmed. I ei anna lita myr 60 m i NO og litt høgare fanst eit ukjent tal kljåsteinar, somme ligg att i lyngen, somme skal vere i HMH, men er ukjende der, og nokre få er i privat eige. I ei tredje myr fanst to stutehorn som smuldra opp. Bergesfjell er ein merkeleg koll, 126 m høg o.h. Det stig beint opp frå Bergevatnet, 6 m.o.h., og er tilgjengeleg berre på to stader i vestveggen, men der er ikkje vanskeleg. Begge er sers lette å stenge mot uvedkomande, då begge fører i gjennom kvar si trange klype. Den eine er stengd. Men her er ingen sikre murar - ein kan ikkje seie det var trong for slike heller.