Funnstaden vart påvist under oppreinsking av ei søkesjakt i området der traseen for røyrleidning var planlagt. Det vart då konstatert funn av flekker i flint, rhyolitt og mørk kvartsitt. Undersøkinga viser at sjakta skjer i vestre kant av lokaliteten. Utbreiinga av lokaliteten dekkjer truleg heile flaten, men er forstyrra av både eldre og nyare tids aktivitet. I kant med bakken vidare mot nord vart det konstatert eit tjukt lag av sand, trekol og oske. Dette laget hadde nokre få funn av flint som kunne knyta det til steinalderlokaliteten, men mykje truleg er dette eit seinare anlegg. På brotet ned mot Vestretjørn er overdekkinga liten og mykje er her forstyrra av dyrking i moderne tid. Stratigrafien på funnstaden er delt mellom eit dyrkingslag som i dag berre er harva. Under dette laget på mellom 10-30 cm kjem eit gamalt åkerlag. Dette varierar i tjukkleik frå vel 20-35 cm. Dette laget er heilt eller delvis forstyrra av pløying. Under dette kjem det i nordre kant av lokaliteten fram eit lag med sand, trekol og oske på vel 15 cm i snitt. I søre ende av lokaliteten er det ikkje registrert noko kulturlag, men jorda her er mykje snudd. Jorda er her svartare på farge enn på andre stader, der en i staden er brun.