Lokaliteten ligg i eit sørausthallande drag som strekker seg frå vel 15 meter over havet og ned til dagens nivå. Det er tatt 9 prøvestikk i draget der 5 er funnførande. Spreiinga på dei funnførande prøvestikka viser at heile draget har vore nytta som buplassområde. Det er likevel truleg at ein har hatt fleire bruksfasar då nivåforskjellen er på vel 10 meter. Funnstaden er stor og utgjer eit areal på mellom 500-600 kvadratmeter. I toppen av draget er det observert ei kvartsåre som kan vera nytta til råstoffutvinning. Øvste lag er eit torv- og lynglag, som med røter utgjer vel 25 cm. Under dette eit finkorna kolhaldig lag på mellom 5-25 cm. Under dette har ein i prøvestikk 1, 2, 3 og 5 eit brunleg jordlag som ein ikkje finn att i prøvestikk 5 (4?); her er det steril sjøsand under det funnførande laget. Jordlaget i dei andre prøvestikka er funnførande. Laget under dette er enten steril strandgrus eller berg.