Det er tatt fleire funnførande prøvestikk på flaten, som igjen avgrensar seg naturleg til området ikring. Flaten er vel 50 kvadratmeter sor og er avgrensa av vollar og bergnabbar i terrenget. Området rundt er undersøkt men utan funn av gjenstandar. Slik vert lokaliteten avgrensa. Flaten har eit naturleg utsyn mot nordvest der det i dag går eit drag heilt ned til sjøen. Det er tatt seks prøvestikk på lokaliteten, der fire av dei er funnførande. Alle er lokalisert i nordre del av flaten, inn mot ei forhøgning i terrenget. Lagdelinga på lokaliteten er naturlegvis noko påverka av slitasjen frå beitande dyr, slik at torvlaget i prøvestikk 3 berre er 4-5 cm tjukt, medan det i dei andre er mellom 15 og 20 cm. Vidare er det i laga under mykje blanda med sand, noko som tyder på åkerbruk og/eller beiting. Funnmaterialet er funne i dei øvste laga under torva, noko som tyder på at her har førekome ein del omsnuing av massane.