Lokaliteten ligg på ei avgrensa berghylle vendt mot sør nær det sørlegaste draget opp frå sjøen. Området er ein del av det større beitearealet der lokalitetane 3-6 er påvist. Området er likevel avgrensa av små kollar, og ligg noko lågare enn sjølve beiteflata. Området får så ei utstrekning på vel 100 kvadratmeter. På flaten er det påvist eit søkk i bakken som kan vere ei kolmile/eldstad. Undersøking med sonderbor viste eit markert lag med trekol i søkket. Om dette høyrer til same bruksfase som steinavslaga er usikkert, men er her tolka som ein lokalitet samla. Det er tatt sju prøvestikk på lokaliteten der 5 er funngjevande. Lagdelinga er i hovudsak slik at ein har eit 6-18 cm tjukt torvlag. Vidare er dte eit dyrkingslag av jord, sand og grus, som er blanda med trekol og gjer laget svart. Under dette kjem berget opp.