Hellaren er vel 18 meter lang og i snitt vel 2,5 meter djup. Prøvestikka (2 stk.) er tatt like innunder dråpefallet, der eit gav funn av eit kvartsavslag og trekol. Flaten er relativt liten, vel 20 m2 stor og er naturleg avgrensa av berg i nord. Sør for lokaliteten ligg ei tuemyr, og mykje stein. Inne i hellaren ligg det og store mengder nedrasa stein slik at den opprinnelege grunnflata er dekt av stein. I dei to prøvestikka i hellaren er det påvist 4 lag der oveflatelaget er vel 3- 5 cm. Under dette er det eit utvaskingslag av lys sand. I prøvestikk 1 er dette 3 cm tjukt, medan det i prøvestikk 2 er eit utvaskingslag blanda med jord på vel 20 cm. Under desse laga kjem ein ned på eit tynt lag med trekol og sand og laget under er eit lag av brun sand og grus.