Av 5 flateavdekkingssjakter med eit samla areal på 360kvm, opna på markane ovanfor tunet på bnr5, vart det påviste forhistoriske busetjings-og eller dyrkingsspor i alle. Mengda i kvar sjakt varierer. Sjakt 4 og 5 er dei mest innhaldsrike og også mest varierte på typer forhistoriske strukturar. I sjakt 1 og 2 heilt mot bakkekanten mot elva er det få strukturar. Busetjingsspora er mao tettare noko inn på marka, det er her det er funne spor etter hus. Dei forhistoriske dyrkningsspora er ardspor i sjakt 5 og kanskje sjakt 4. Kulturlag i sjakt 2,3,4 og 5 kan enten vere knytt til bustad eller til dyrking (fossil åker). Element knytt til hus - som stolpehull er funne i sjakt 4 og 5, eldstad/kokegrop i sjakt 1 og mogleg sjakt 5. I sjakt 4 og 5 har vi nokre steindungar (ikkje synlege på markoverflata) som kan vere eldre rydningsrøyser, gravrøyser eller naturlege steinsamlingar. Sjaktene gir berre eit glimt av kva som finst på markene her, lite heilskap. Vi har ikkje prioritert å opne på eit slikt vis at vi har fått fram heile hus ol., men for å få oversikt over registreringsområdet. Funna er gjort under matjordlag på inntil ca 1m.