Den moglege gravhaugen ligg som nevnt på båe sider av steingarden, på vestsida bnr 1 er den heilt utoverpløgd, ein kan sjå berre ei svak forhøyning. På austsida, der truleg også storparten av haugen ligg, er den opp til ca 75cm høg. Den har skap som ein langhaug og er 11m lang orientert i SSA - NNV retning. Orienteringa på haugen er slik at den vanskeleg kan forståast som natur, naturlege forhøyningar elles fyl retninga til dalen. Tverrmålet om lag på det breiaste er 6m (inkl. steingard). Det er ein noko steinblanda jordhaug. Stein kan kjennast med jordbor, men elles er lite eller inkje stein synleg i dagen. I sørenden på bnr 4 ligg innmot steingarden ein mindre dunge små rydningsstein. Den moglege langhaugen er tilvakse med gras, i bytet enkelte lauvtre og bringebærkjerr på auste del som ikkje kan slåast med maskin saman med resten av marka. Det verkar svært sannsynleg at dette er restene av ein gravhaug.