Lokaliteten ligg på innmarka på gnr. 19 og bnr.10, på Håbakken i Lærdal kommune. Det var gjort funn av totalt 8 strukturar og fleirfasa førhistoriske dyrkingslag. Strukturane ligg på ein svak forhøgning i terrenget, mens det er påvist dyrkingslag på begge sider av forhøginga. Strukturane består av stolpehol, kokegrop og eit gravminne. To strukturar og tre dyrkingslag er C14-datert, og dateringane går tilbake til førromersk jarnalder, merovingartid og mellomalder. Lokaliteten er avgrensa av negative sjakter i vest, nord og aust. Mot sør er den avgrensa av den moderne forstyrringa i samband med brakkeriggen