Lokaliteten vart påvist med to funnførande prøvestikk.
Lokaliteten er ei flate som heller nedetter mot sør. I praksis er vi i utløpet av ei kløft som strekk seg 400 meter nordover. Lokaliteten avgrensast av berg i aust, der ein større åsformasjon endar, og ein mindre bergkolle i vest. I sør nyttar vi hellinga i terrenget, medan avgrensinga i nord-nordvest er meir vilkårleg.
Flata er i dag eit hogstfelt. Jordmassane varierer litt på dei to prøvestikka, der P9 har eit grått humushaldig lag over det raudbrune utfellingslaget. P10 har meir ein klassisk podsolprofil, men skil seg ut med å ha ei kokegrop i botn. Det vart sendt inn ei trekolprøve for radiologisk datering frå denne.
Om vi ser for oss at flinten representerer ein strandbunden lokalitet, vil ei høgde på ca. 69 moh datere lokaliteten til eldre steinalder – mellommesolitikum og Trinnøksfasen – tidsromet rundt 7000-5600 fvt.