Lokaliteten vart påvist med 3 funnførande prøvestikk.
Vi er på ei flate som skrånar nedetter mot sør-søraust. Det er låge berg i aust og vest. I sør avgrensast lokaliteten av at terrenghellinga endar. I nord flatar det ut, samt eit par negative prøvestikk. Jordmassane er klassiske podsolprofilar, men svært steinete i høve til det vi er vant med. Flata er tilvekst med furuskog. Sidan den har vore rydda, er det høvesvis opent.
Vi reknar det som svært truleg at denne lokaliteten er strandbunden. Høgda over havet er på rundt 80 meter. Då er vi attende til eldre steinalder – mellommesolitikum og Mikrolittfasen – tidsrommet ca. 8200-7000 fvt.