Kontrollregistrering 2025:
Jernframstillingsplass som består av ei synleg nedgrave tuft med ein svakt synleg slagghaug ved inngangen. Vidare har søk med metalldetektor har påvist slaggutkast langs skråninga ned til myra.
Den ligg på den sørlege ende av ein rygg med lausmassar, på den søraustre kanten av denne, frå fritidsbustaden og ned skråninga ned til myra Ved oppføring av fritidsbustaden, både sjølve bygningen og terrassen, har truleg noko av framstillingsplassen vorte fjerna.
Aust for tufta er det påvist noko slagg med metalldetektor, men det er usikkert om dette er eit utkastområde for slagg, eller om slagg har vorte drege utover, anten i produksjonsperioden eller seinare ved oppføring og bruk av fritidsbustaden. På vestsida av tufta er det også påvist noko spreidde slaggfunn med metalldetektor. Avgrensinga er sett der det ikkje er noko meir utslag med metalldetektor, slik at moglege arbeids- og lagerområde på denne sida av tufta ligg innanfor lokalitetsavgrensinga. Arealet vest for tufta, både innanfor og vidare vestover utanfor lokalitetsavgrensinga har ein del grunne fordjupingar.