Lokalitetsflata ligg 11,41 moh. på ei plan skogkledt flate inntil bergkanten nedanfor lok. 15 i nordaust, og sør for lok 14. Søraust for lokaliteten ligg lok 33, (omlag 30 meter). I vest er flata avgrensa av ein steil bergrygg, og i nord av prøvesikk med synkande funnfrekvens. Estimert lokalitetsutstrekning er sett til 30m2
Lokaliteten er ikkje ein kulturlagslokalitet, men funna ligg i eit trekolblanda humushaldig sandlag som i utgangspunktet kan likne på eit kulturlag. Om dette laget representerer eit dyrkingslag eller er ei "in situ" deponering av mesolittisk materiale er ikkje sikkert stadfesta. Det er ikkje gjort funn i dei øvre torv/dyrkingslaga, eit moment som styrker teorien om at materialet kan være "in situ". Begge dei to funnførande prøvestikka er vertikalt avgrensa på berg/større steinblokker. Det er ikkje funne diagnostisk reiskapsmateriale frå lokaliteten. Funnmateriale, som forutan to avslag av kvarts består av flint i varierande kvalitet, er prega av bipolar redusjonsteknikk. Eit retusjert bipolart avslag, er truleg nytta som bor.