Lokaliteten er avgrensa av synkande funnfrekvens i alle retningar, med unntak av mot nordvest. Avgrensinga i denne retninga bygger på topografiske element og er ikkje tilfredsstillande. Lokaliteten kan teoretisk sett henge saman med lok 9. Då lok 9 ligg 6 meter ovafor i vertikal høgdeskilnad representerer truleg den bratte skråninga mellom lokalitetane likevel ein avgrensing. Estimert lokalitetsutbreing er sett til 280m2. (sentral sirkulær flate 120m2). Lokaliteten har status som kulturlagslokalitet. Kulturlag finst i to prøvestikk, (GJ3) og (GJ61), dessutan er markante kolhaldige lag påvist i tre prøvestikk (TAW1, CHL2 og GJ62). Det er ikkje funne beinrestar på lokaliteten. Kulturlaget er definert utifrp forekomsten av feitthaldig kollag. Det er ikkje funne beinrestar eller mengder av skjørbrent stein på lokaliteten. Skilnaden mellom kulturlaget og kolhaldige lag er ikkje dramatisk, men består av i kva grad det finst kol og feitt, og mektighetsgraden til desse laga. I utgangspunktet kan og skilnaden mellom desse laga skuldast ulik konserveringshistorie.
Det vart funne eit odd-midtfragment av ein skiferspiss med spissovalt tverrsnitt, og ei retusjert flekke i fin lysegrå spettet kvartsitt i prøvestikk TAW1 på den sentrale lokalitetsflata. Funn av eit tilverka emne i form av ei skiferplate, samt avslag av skifer indikerar og ei datering til neolitikum. Ein liten dråpeforma skrapar i flint med ein tangeliknande skjeftingsretusj er funne i GJ3. Bipolar reduksjonsteknikk dominerar funnmaterialet. Flint dominerer som råstoffmateriale, men fins og innslag av kvarts, kvartsitt, bergkrystall og eit einskildt avslag av blå mylonitt. 17% av materialet er varme påverka, 5 % er vassrulla. Den bakre strandlinjedateringa for lokaliteten er 5200 BP. Den akseleratordaterte trekol prøva frå GJ3, ga daterigna 4580 +-55 BP (TUa-3570). Lokaliteten vert vurdert som fleirfasa med element frå både tidligneolitikum og mellomneolitikum A.