Lokaliteten er avgrensa av negative prøvestikk eller synkande funnfreksvens i alle retningar frå hovudkonsentrasjonen. Etimert lokalitetsutstrekning er sett til 150m2. Lokaliteten er ikkje ein kulturlagslokalitet. Den horisontale funnspreiinga på lokaliteten gir eit noko difust bilete, men tyngdepunktet ligg truleg i søraustleg kant av flata. Den vertikale funnspreiinga med mektige funnførande lag dannar eit liknande mønster. Funnmaterialet frå lokaliteten peikar klart i rening av preboreal tid. Det diagnostiske tidligmesolittiske materialet frå lokaliteten består av ein skotskada einegga spiss i flint. Reduksjonsteknikken som er nytta er handheldt direkte slag med flintavfall med spiss avspaltingsvinkel som karakteristisk sluttresultat, eit teknologisk tidlegmesolittisk kjenneteikn. Råstoffbiletet med nærmast totalt flintdominans peikar i same retning. 1,7% av materialet er brent, og 35,6 % er vassrulla. Dateringa av lokaliteten er basert på funnmaterialet og strandllinjekurva for området. Strandlinjekurva syner at lokaliteten ligg 10 meter høgare enn taåes maksimum, dersom lokaliteten er strandbunden gir dette ein svært høg alder for bruksfasen. Den bakre strandlinjedateringa for lokaliteten gir 10100 BP. Dersom ein nyttar ein margin på to meter mellom lokaliteten og vassflata vert lokaliteten strandlinjedatert til 9900 BP. Ut frå ei samla vurdering vert lokaliteten difor datert til første del av preboreal tid og tidlegmesolitikum.