Estimert utbreiing av lokalitetsflata er sett til 60m2. Lokaliteten er truleg ein kulturlagslokalitet. Dei to funnførande prøvestikka på flata er dekka av eit 70 cm tjukt torvlag, og det er ikkje gjort funn i dette mektige torvlaget. Dei funnførande laga inne på lokalitetsflata verkar difor uforstyrra. Erosjonssona rundt lokalitetsflata kan representere øydelagte deler av lokaliteten. Det funnførande laget består av eit grått trekolhaldig siltblanda sandlag deponert rundt større steinblokker. I GR 1 er det mørke funnførande laget feitare, trekol finst i partikkelform, i tillegg finst skjørbrent stein. Det er ikkje påvist beinrestar i prøvestikka. Den vertikale avgrensinga er tilfredsstillande utfrå synkande funnfrekvens. Den lokale strandsofrsyvingskurva for Baraldsneset viser at lokaliteten ligg omlag tre meter under tapes maksimum. Den bakre strandlinjedateringa for lokaliteten gir dermed 4800 BP. Dersom ein nyttar ein margin på to meter mellom lokaliteten og vassflata vert lokaliteten strandlinjedatert til 4200 BP. Utifrå ei ei samla vurdering vert lokaliteten datert til mellomneolitkium