Estimert lokalitetsutstrekning er sett til 35m2. Lokaliteten har ikkje status som kulturlagslokalitet. Funna frå AN 6 låg rett under torva i sandhaldig mold. Funna frå AN 7 vart gjort mellom 50-55cm under overflata i eit sandhaldig gruslag. Begge prøvestikka er avgrensa vertikalt på bergflata. Det finst ikkje diagnostisk reiskapsmateriale frå lokaliteten, funnmaterialet er elles ikkje av særleg stort omfang. Alle funna er påverka av eld. Den lokale strandforsyvningskurva for Baraldsneset syner at lokaliteten ligg over 10 meter høgare enn tapes maksimum, dersom lokaliteten er strandbunden gir dette ein svært høg alder for bruksfasen. Den bakre strandlinjedateringa for lokaliteten gir 10100 BP. Ut frå ei samla vurdering kan lokaliteten tilhøyre første del preboreal tid og tidlegmesolitikum, men funnmaterialet er for spinkelt til å vurdere dateringsspørsmålet.