Estimert lokalitetsutbreiing er sett til 45m2. Det er ikkje påvist kulturlag på lokaliteten, men funnmaterialet frå GR 69 kom frå eit trekolhaldig sandlag med innslag av skjørbrent stein. Funnkonteksten reknast for god då funna frå alle prøvestikka kjem frå undergrunnsmassar. GR 69 har karakter av eit podsolprofil med kolhaldig utvaskingslag 20-22 cm under torva og eit raudgult jarnhaldig anrikingslag 39-41 cm under skjørbrent stein. Alle prøvestikka er avgrensa vertikalt av berg. Skråninga på lokalitetsflata har sammenfallande skåningsretning som bergflata. Råstoffbiletet er variert, men flint av varierande kvalitet dominerar. Funnmaterialet syner både mikroflekketeknikk og bipolar reduksjon. Funnmaterialet består av mykje "småbitar", truleg pga den dominerande bipolare reduksjonen, men funnmaterialet viser også mikroflekketeknikk. Hovedinntrykket frå materialet er dermed svært ulikt dei tidlegmesolittiske lokalitetane i området. Den bakre strandlinjedateringa for lokaliteten er 9600 BP. Dersom ein nyttar ein margin på to meter mellom lokaliteten og vassflata vert lokaliteten strandlinjedatert til 6200 BP. Ut frå ei samla vurdering vert lokaliteten datert til seinmesolitikum.