Estimert utbreiing av lokaliteten er sett til 120m2. Lokaliteten har status som kulturlagslokalitet ut frå funn av skjørbrent stein, og artefaktar i eit feitt trekolhaldig lag. Brente bein er ikkje påvist frå lokaliteten. Dyrkningslaget er torvhaldig og ikkje prega av intensivt jordbruk. Det er og gjort funn i dyrkningslaget. Samtlige av prøvestikka på lokaliteten er vertikalt avgrensa av berg. Det er ikkje store synlege forstyrrelsar på overflata, men det er noko uvisst kor stor påverknad dyrkingspraksisen har påført lokaliteten. Det er diganostiske artefaktar frå lokaliteten. ei rekke av avspaltningane på avslagsmaterialet vitnar om bruk av bipolar teknikk, medan einskilde mikroavslag kan indikere flateretusjering. Det mest interessante funnmaterialet frå lokaliteten er grov kvartsmagra keramikk. Keramikken er funnen djupt nede i det funnførande laget, ein indikator på at keramikken høyrer til same fase som det littiske materialet i kulturlaget. Den bakre strandlinjedateringa for lokaliteten er 5800 BP. Om ein nyttar ein margin på to meter mellom vassflata og overflata på lokaliteten vert den strandlinjedatert til 4700 BP. Datering av trekol frå KS 18 (prøve 36) ga resultatet 4315+-90 BP (T-15492). Ei akselratordatering frå botnlaget av EK 17 (prøve 73) ga dateringa 5200+-70 BP (TUa-3567). Lokaliteten er difor datert til tidleg- og mellomneolitikum.