Estimert utbreiing av lokaliteten er sett til 100m2. Lokaliteten er definert som ein kulturlagslokalitet ut frå forekomst av kulturlag på berg(!) i alle dei tre prøvestikka som er tatt på flata. Kulturlaget består av skjørbrent stein, i eit feitt - og sandhaldig kollag. Brente bein er ikkje dokumentert frå lokaliteten. Ein stor del av funnmaterialet er påverka av eld. (15%). Kulturlaget er dokumentert i tjukknad frå 25 cm (LIÅ6 og KS17) til 5 cm i, og mellom bergsprekkene i austre utkant i KS 16. Det er ikkje påvist synleg stratifisering innanfor kulturlaget i nokre av prøvestikka. Råstoffbiletet med innslag av skifer indikerer ei datering ti neolitikum. Fragment av slipt grønnsteinsøks kan desverre ikkje sikekrt typologisk tidsfestast, men stammar truleg frå ei firesidig øks (vestlandsøks/meisel). Kjernar, kjernefragment og avslagmaterialet syner at bipolar teknikk er den dominerande reduksjonsmetoden. Strandlinjekurva for området gir lokaliteten ein bakre daterign til 5400 BP. Dersom ein nyttar ein margin på to meter mellom vassflata og overflata på lokaliteten vert den strandlinjedatert til 4600. Dateringa frå KS 16 (prøve 35) gav resultatet 3380+- BP (T-15491). Denne dateringa er ikkje i samsvar med det arkeologiske materialet og representerar truleg ein aktivitet (avsviingslag), som anten ikkje finst i funnmaterialet, eller som undersøkinga ikkje har fanga opp. Dateringa frå kulturlaget 50-60 cm under overflata i LIÅ 6 8prøve 74) ga dateringa 4660 +-60 BP (TUa-3568). Lokaliteten er ut i frå ei samla vurdering datert til mellomneolitikum A.