Lokaliteten vart påvist som ein kosentrasjon av flintfunn i dagen under søkesjakting etter jordbruksspor. Då lok 30 ligg i same sjakt som lok 29 er dei stratigrafiske tilhøva på lok 29 og gyldig for denne lokaliteten. Utbreiing til lokaliteten er om lag 20m2. Lokaliteten er avgrensa av negative prøvestikk i alle retningar. Eit fragment av ei skiveøks, indikerar ei datering til tidlegmesolitikum. Funnmaterialet elles består hovudsakleg av større avslag i grovkorna lågkvalitetsflint, eit karakteristisk restavfall etter tidlegmesolittisk reduksjonsteknikk, og då særleg økseproduksjon. Funnmaterialet, verkar særs homogent. Den bakre strandlinjedateringa for lokaliteten gir 9700 BP. Dersom ein nyttar ein margin på to meter mellom lokaliteten og vassflata vert lokaliteten strandlinjedatert til 9600 BP. ut frå ei samla vurdering vert lokaliteten datert til tidlegmesolitikum.