På lokaliteten vart det grave 5 prøvestikk, 4 av desse var funnførande (3 med funn, 1 med trekol). I tillegg til funna som vart gjort i prøvestikka, vart det også gjort funn i ein bekk som renn på tvers gjennom lokaliteten. Eit stykkje av profilen i skjeringa her var oppreinska og det vart gjort funn under dette arbeidet. Til saman vart det gjort 33 funn, råstoffa varierer mellom rhyolitt, mylonitt, grønstein og flint. Av funnkategoriar er det avslag, makroavslag, smalflekke og kjernefragment. Samansetninga av råstoff kan indikere ein datering til den tidlegaste delen av yngre steinalder. Lokaliteten måler om lag 50 x 26 m. Lokaliteten har to funnførande lag, eit gråsvart grus/sandlag og eit brunt sand/gruslag (til saman om lag 9 cm). Over dei funnførande laga var grastorv, humuslag og kollag (til saman om lag 18 cm). Høgda over havet er mellom 10 og 15 m.