Lokaliteten måler om lag 12 X 10 m orientert NV-SA og NA-SV. Her har vore køyrt med større maskinar og her er spor etter denne aktiviteten fleire stader. Det vart teke til saman 4 prøvestikk på og rundt lokaliteten, 2 av prøvestikka var funnførande. Om lag 25 m V for lokaliteten ligg lokalitet 7. Etter dei kartfestingane som føreligg har det vore om lag 30-40 m til lokalitetane 5 og 6 som no er sprengd vekk og tidlegare låg på bnr. 87. NB! Lokaliteten er noko skadd som følgje av køyring med tung reiskap. Stratigrafien på lokaliteten er lik i begge stikka. Under eit 20-30 cm tjukt mørk brunt torvlag finn ein eit funnførande lag med gråbrun sand, grus og vitra berg. Det funnførande laget er om lag 22-23 cm tjukt og vanskeleg å skilja frå undergrunnen. Den sterile undergrunnen er lik på farge men lausare i konsistens.