Lokaliteten ligg i ein open del av daldraget der dette er vel 20 meter breitt. I denne delen av daldraget er det breiare og noko flatare enn lenger ned (sør). Topografisk har ein her truleg hatt ein gamal strandflate. Flaten er i dag dekt av tjukk grastorv og delvis omdanna torvmose i dei fuktigaste områda. Det står ein del grantre i austre kant av lokaliteten. Funnstaden viser ei relativ stor utstrekning. Det er tatt 4 prøvestikk i området som gjev ei utstrekning på vel 200 m2. Topografisk dekker dette eit vel 20 x 10-15 meter stort område. Stratigrafien i prøvestikka viser at det stadvis er tjukk torv oppå ei grusavsetning. Torva varierer mellom 10-20 cm i tjukne og er svært tørr i austre kant, medan noko våtare i vestre del av draget. Her er i dag eit vassig ned mot sjøen. Gruslaget under torva er i øvre del blanda med finare grus og sand og under dette kjem ein ned på større stein. Funna som er gjort er gjort i lag nummer 2 eller det grus og sand blanda laget under torva. Det vart ikkje observert noko form for kulturlag i prøvestikka.