Funnstaden er eit mindre område lengst opp i draget inn frå Osundet. I aust er det ein bergvegg som reiser seg relativt bratt ein vel 4 meter opp. I vestre kant av draget er bergkollar synlege, men desse er no så låge at dei ikkje dannar noko vestvegg, som lenger ned i draget. I austre kant står det i dag relativt tett granskog. På dei opnare partia er det i dag tjukk tuete grastorv. På lokaliteten er det tatt tre prøvestikk, der eit var funnførande. Lokaliteten synest difor væra liten og lokalisert langs med bergveggen. Topografisk vil lokaliteten ikkje kunne strekke seg nordover, men kunne ha ei utstrekning lenger sørover, nedover mot lokalitet 2. Avstanden mellom desse er på vel 30-40 meter, det er difor truleg at ein har to separate lokalitetar eller aktivitetsområder. Arealet til lokalitet 2 ligg truleg mellom 50-80 m2. Topografisk er terrenget her er noko tørrare enn lenger ned i draget. Grunntilhøva er og noko grunnare og berg og steinar stikk opp i dagen fleire stader på området. Torva er her vel 15 cm. tjukk og under dette eit finkorna sand/gruslag. Det er i dette laget ein har gjort funn.