Lokaliteten ligg på ei lita flate mest på høgaste punktet av neset. Flata er omkransa av små kollar i nord og nordvest. Ned mot sjøen hallar terrenget bratt. Bakanfor funnområdet ligg ei flat myr. Vegetasjonen er i hovudsak grastorv, lyng (tyttebær og blåbær), einer, rogn og furutre som her er rotvelta. Det er tatt to prøvestikk på flaten der eit gav funn av pimpstein og kvartsavslag. Lokaliteten er liten rundt 30 m2 og er moglegvis eit aktivitetsområde med utsikt mot sjøen. Lagdelinga viser først eit 5 cm. tjukt lag med torv delvis omdanna organisk materiale. Under dette kjem eit 25 cm. tjukt lag med brun torvjord, under dette laget kjem eit 10 cm. kolhaldig torvjordlag som er noko blanda med sand. Under dette det funnførande laget med gråbrun sand og grus på vel 20 cm.