Tidlegare offentleg rideveg, i bruk som offentleg veg til 1836, og som snarveg til kyrkje til 1950-åra. Bekken her heiter Treskobekken; her skifta folk frå treskor til lêrskor på veg til kyrkje. Nordmannsvegen var ein lengre byveg til Kristiansand for både Finsland, Bjelland, Grindheim, Eiken og Fjotland.
Fornminne: Kullgrop, ytre diameter 7,20 m, indre diameter 5,00 m, dybde 1,10 m. Rund grop med kvadratisk bunn. Trær på vollkanten rundt gropa. Godt markerte voller.
Rideveg, i allmenn bruk og i bruk av futen til 1842, i bruk som drifteveg til 1905 og som stølsveg til rundt 1950. Kleiva akkurat her heiter Fyrekleiv eller Førekleiv.
Hôlveg, i bruk til 1836 som offentleg rideveg. Over Storemyr er det spart igjen ein brei grøfteteig for Nordmannsvegen. På Manneråsen ligg Nordmannshòla, der nordmenn overnatta. Ein nordmann var ein som kom frå vest (ein vestlending), då ordet nord blei brukt om ei retning som til dels bøyer av mot vest. Strekninga blei merka opp som turløype i 1995 og på nytt i 2013. Strekninga var ein del av ein lengere byveg Kristiansand-Stallemo-Greibesland-Spikkeland-Øvland-her-Djubesland-Finsland-Bjelland-Byremo-Vårdal-Kvåle-Skeie-Eikjen-Haddeland-Eiåsland-Vordalen-Fjotland osv. Det er påfallande med namna Kviheia, Reinsåsen, Reinstjønn, Store Dyråstjønn og Lille Dyråstjønn. Ola Olsson Songesand (den såkalla "Pilt-Ola") dreiv ei reindrift frå Kristiansand om Eiken til Sirdalsheiane i 1818 og eit par gonger seinare, etter alt å døme forbi her..