Det er tatt 2 prøvestikk på lokaliteten, dette av di dei topografiske tilhøva tilsa ei nokolunde klar avgrensing. Lokaliteten vart fotografert, teikna i flaten og det funngjevande prøvestikket dokumentert i profil. Stratigrafien er lagvis svært enkel. Ein har her først eit lag med lyng og røter av torv. Lag 2 er eit 30 cm tjukt lag med humus og noko trekol. Dette laget går ned på eit tynt lag med sand og småstein. Strategrafien vert likevel vanskeleg å tolka ettersom funna ligg i det organiske humus laget. Her har truleg ikkje vore noko landbruksaktivitet anna enn sporadisk beite slik at lokaliteten truleg er godt bevart. Det var ikkje råd å sjå noko lagskilnad i det organiske laget, og ein kan vanskeleg identifisere noko klart kulturlag. På lokaliteten er det ikkje funne anna enn avslag i rhyolitt. Høgda over havet (omlag 11,5 meter). Rhyolitt tyder på ei datering til tidlegneolitikum. Funnstaden synest å væra urørt av nyare tids aktivitet.