Jernvinneanlegg. Staden ligg på toppen av ein kolle omgitt av myr. På den nordlege delen av kollen ligg eit tjukt lag morenegrus; sjølve framstillingsområdet ligg her. Her er registrert ein konsentrert slaggvoll samt ei blestertuft. Vollen er 10,8 x 11,0 m (ytre) og 2,9 x 3,4 m (indre). I tillegg er her eit område med slaggblokkar og omn N for blestertufta. Ei C14-datering av ei trekolprøve frå R1a ga verdien 1620 ± 80 år før notid, med kalibrert alder til år 420 e. Kr. Og frå ei trekolprøve frå anlegget R1b fekk ein verdien 1890 ± 50 år før notid. Registrert av L. E. Narmo 1989.