Beskrivelse fra lokalitet:
Når vatnet ligg nedtappa, ligg det ein sandmo sør for Solbu. 65 m søraust for gjetarhytta og 9 m sør for steinblokk ligg det ei tuft på 1,9 x 4 m, inndela i to rom. Det søre rommet har kraftig grunnmur og bitar av teglsteinar og rustne spikarar og delar av krittpiper. Det nordre rommet manglar nordvegg, men der er are i nordvestre kroa med slaggbitar og skøyrbrende steinar og slagg spreidd omkring. Vest for tufta blei det funne to bryne og 2 bitar av bryne. Rundt heile tufta ligg det skøyrbrende steinar og flint. 1 m sør for tufta ligg det ein nyare eldstad der det blei funne slagg og flint. 16 m vest for tufta ligg hornsteinane etter ei 1,5 x 4 m stor løe. Hustuft/jernvinneanlegg, funn av renneslagg, 1 tilhoggen/slipt stein, 2 delar av ei kritpipe, 1 bit av bly, 2 bryne, 2 delar av bryne og 20 flintavslag. Nokre av funna er altså frå steinalderen og nokre frå jernalderen.
Beskrivelse fra Enkeltminne:
Funn av renneslagg, 1 tilhoggen/slipt stein, 2 delar av ei kritpipe, 1 stk. bly, 2 bryne, 2 delar av bryne og 20 flintavslag. Noko av dette er nok frå steinalderen.