Bogehiet ligg i NA-re spissen av eit band med store blokkar som strekker seg frå bergi og ut i Veslebotten. Det er mura opp ved SSA-re sida av ein stor blokk, som har noko utoverheng i øvre kant, og gjev livd mot NV-veret. Stillingi er oppmura som ei litt lang halvrunding inn til steinen. Mål: Innvendig lengde ca. 2 m langs steinen. Breidda er ca. 1,2 m ut frå steinen på midten. Tilsvarande ytre mål er ca. 2,5 og 1,5 m. Noverande høgde på muren er på det høgaste, og for det meste, ca. 75 cm. I tillegg til denne hovudstillingi er det ca. 2,3 m lenger ut mot grasbotnen (mot NA), ogso ei skytestilling, og likeeins ca. 4 m endå lenger framme ei ditto. Desse er mykje enklare tillaga, med 0,8 til 1 m innvendige mål.