Funnmaterialet består av 5 artefaktar i form av to avslag av flint, to avslag av mylonitt og eit avslag av kvartsitt. Flintavslaga var varmepåverka. Stratigrafien i dei to positive prøvestikka syna ei torvdekning på 30-40 cm. Under torva var det funnførande sandblanda gruslaget, som inneheldt noko stein. Funnførande sjikt er på mellom 5-15 cm ned i gruslaget. Begge prøvestikka vart gravd ned til berg på 52 og 83 cm djupn. Bruk av mylonitt som råstoff samt mikroflekketeknikk gjev ei generell datering til seinmesolitikum-neolitikum. Legg ein strandlinjekurvene til grunn så får ein ei datering til 5500-6000 BP (seinmesolitikum). Strandlinjedateringa samt førekomsten av mikroflekketeknikk talar då for ei plassering av lokalitetens bruksfase til siste del av seinmesolitikum.