Av totalt 10 prøvestikk på bergryggen var to funnførande (PS 15 og 16). PS 15 og 16 ligg med 1,5 m mellomrom. I PS 15 vart 256 avslag i kvartsitt og 3 avslag i flint funne. Funna vart gjort i eit bøttelag i overgangen mellom eit utvaskingslag og eit lag brun grus/sand. I PS 16 vart ein uferdig pilspiss i kvartsitt funne ståande med spissen ned, i overgangen mellom torva og utvaskingslaget. To avslag i flint vart og funne i torva. Trekol vart ikkje påvist. Materialet talar likevel for ei tidlig neolittisk datering på lokaliteten. Lokaliteten er mest trulig ein knakkeplass.