Lokaliteten ligg inne på ein eksisterande fritidseigedom, der ei campingvogn er plassert (i 2007). Det er greve opp massar i samband med bygging av ein platting til campingvogna. Under synfaring i 2005 vart det i lausmassane samla inn 42 funn i flint. Under registrering i 2007 vart det tatt 4 prøvestikk i området, av desse var 3 funnførande. I prøvestikka vart det tilsaman gjort 17 funn, storparten av funna er i flint unnateke 1 funn i kvartsitt. I tillegg vart det gjort funn ved oppreinsking av profil og i oppsamla massar. Prøvestikk 1 var 66 cm djupt, under torvlaget var det eit gråbrunt humushaldig sand- og gruslag og under dette ei gråsvart kolhaldig sand og gruslag. Begge desse laga var funnførande. Funna i PS 2 og 3 vart gjort i dyrkningsjord. Lokaliteten ligg omlag 16 moh, dette indikerer ei datering til eldre steinalder.