1) Røysa fk.nr. 3/1 er 9 m i tverrmål og godt 1 m høg. I den sentrale delen av røysa er det 3 ulike søkk. Her stikk 20-50 cm store steinar/blokker i dagen. Røysa er elles torvdekt og lyngkledd.2) Røysa fk.nr. 3/2 er 7 m i tverrmål og 1 m høg. I røysa er det eit 3,5 m vidt, grunt søkk. I den sentrale og sørlege delen ligg 20-50 cm store steinar/blokker i dagen. I den vestlege delen av søkket ligg det dessutan to 50-60 cm store steinheller. Mellom steinane i den nordlege delen er røysa gras- og lyngvaksen.3) Røysa fk.nr. 3/3 er 7 m i tverrmål og godt 1 m høg i nedre kant. I toppen av røysa stikk det nokre steinar/blokker i dagen, men elles er ho tilvaksen med lyng og gras, og ho verkar urørd.Alle tre røysene ligg i svakt hallande lende, litt myrete, tilvakse med gras og noko lyng.