Helleren er 40 m vid i opninga, 5-10 m djup og svært høg. Her er vanlege driftsmerke. Tilleggsopplysningar: Knut Johan Nerhus skildrar helleren slik i 1988: Helleren er 60 m lang (brei) med ei kraftig igjenståande søyle, 15 m djup. Helleren er særs høg. Det er merke etter uttak av både takheller og baksteheller. I følgje Elisabeth Ljosnes er fem av husa på bnr. 5 på garden tekte med heller frå Hedlebergshidleren. Hellene blei transporterte ned til vatnet for så å bli køyrde med slede og hest over isen via Øvre Tufta og heim til Fugleberg.