Den sørlegaste røysa fk. 1/1 er kring 12 m i tverrmål og godt 1 m høg i nedre kant. Ho er bygd av 30 - 80 cm store steinar/blokker, som i dag er mosegrodde. Midt i røysa er eit 2,5 m vidt og 3/4 m djupt søkk. Rundt kantane på røysa veks ein del lauvtre, m.a. eik. Den nordlegaste røysa, fk. 1/2, ligg 20 m NV for fk. 1/1. Røysa er kring 14 m i tverrmål og knapt 1 m høg. 30 - 60 cm store steinar/blokker stikk i dagen over det meste av røysa som elles er tilvaksen med grastorv og mose. Røysa er noko utkasta slik at ho er avflata på toppen. I NV-kant er det eit mindre utkast. Over heile røysa veks det tett med lauvkratt og lauvtre.