Flata med lokaliteten er kring 30 x 10-12 m vid, orientert NV-SO. Det funnførande området var før utgraving kring 320 m2 stort. Av dette er det utgrave 290 m2. Restar av urørt kulturlag ligg att i aust og nordaust, dessutan i nedre delen av eit djupt søkk i nordvest. Lokaliteten inneheldt djupe kulturlag med rike funn der funntilfanget kunne skiljast stratigrafisk i to kronologiske fasar. Kring 30 m S for denne hovudlokaliteten på ein bakke rett ovanfor ei 2-3 m høg og bratt skråning, vart det dessutan gjort funn i fire av i alt åtte prøveruter.