Røysa fk.nr. 3/1 er kring 8 m i tverrmål og 0,5 m høg. Ho er noko utkasta, mest mot SO. Ho er heilt torvgrodd og grasvaksen. Røysa ligg ytst på kanten av ein låg hamar i S. På nordsida av røysa er det ei grasvaksen flate som går over i ei bratt skråning mot O.Røysa fk.nr. 3/2 er kring 10 m i tverrmål. Godt og vel den søre halvdelen er utkasta slik at berre den nordlegaste kanten ligg att. Her er røysa kring 0,5 m høg. I snittkanten for utkastet ligg ein del 20-40 cm store steinar/blokker i dagen. Røysa er elles torvdekt og grasvaksen. Det veks nokre små rognebusker på ho. I NO og SV er røysa omgjeven av furutre. Sør for røysa er det ein skrånande grasbakke som går over i stupbratt hamar.