Bautasteinen fk.nr. 1/1 ris 1,95 m over bakken og 1,15 m brei nedst og avsmalnande til 0,60 m i toppen. Tjukkleiken er kring 20 cm. Steinen er orientert O-V. Tidlegare luta han mot N, men er no retta opp. Flata steinen står på er kring 5 m vid og heilt tilvaksen med grastorv, mose og lyng. Rett attanfor (S for) steinen veks ei buskfure. Gravrøysa fk.nr. 1/2 ligg 10 m O for bautasteinen på den vestlegaste delen av berget, som her er litt høgare enn berget der steinen står. Røysa er tilgrodd med grastorv og lyng og ho er ein del utkasta, men tverrmålet tykkjest å ha vore 7-8 m. I toppen er eit grunt, lite søkk. 20-80 cm store steinar/blokker stikk i dagen over det heile. På røysa veks ei større bjørk, eit bjørkekratt og to mindre rognetre.