Røysa måler 12 m i retning N-S og 10 m i retning O-V og ho er omlag 1,6 m høg. Ho er lagd opp av brotsteinar som måler frå 0,2 m til 0,8 m. I midten er eit krater som er 3,5 m langt, orientert SO-NV og 2,5 m breitt. Krateret er omlag 0,9 m djupt. Røysa er ein del utkasta mot SSV, elles er her lite utkasta stein. Ho er stort sett fri for vegetasjon, men det veks nokre furer og rognetre i SSV. I vestre del av røysa ligg to store rotvelter av furu innover i røysa. Gravrøys fk. 1/2 ligg 8,5 m V-SV for fk. 1/1. Ho måler omlag 4 m NO-SV og 6 m O-V. Røysa er mykje øydelagd og her er krater i midten. Ho er lagd opp av rullestein, 0,2 - 0,5 m store og nokre større blokker.