Røysa, som blir kalla Varden, måler kring 12 m i tverrmål og er opptil 1,5 m høg. Ho er bygd av 0,2 - 0,6 m store, nakne steinar/blokker, men er noko tilvaksen med gras, bregne og lauvtre, særleg langs kantane. Markeringa er difor heller uklår. I midten av røysa er eit 2 m vidt og 0,75 m djupt søkk. 1 m SSV for søkket står ein bautastein på skrå, hallande mot NO. Han er 1,8 m høg og 0,6 m brei ved foten, men smalnar av oppover slik at breidda ved toppen er 0,4 m. Tjukkna er 0,3 m.