Røysa fk.nr. 1/1 er 10-11 m i tverrmål og opp til 1,5 m høg. Her har vore innebygd ein korntørkar og rommet står framleis utan at steinveggene har ramla saman. Austlege, vestlege og sørlege kant av røysa er sterkt overgrodd; steinane er her dekt av mose og tjukk lyngtorv. Ein kan kome opp til korntørkaren frå stranda i nord og i denne kanten er røysa sterkt omrota. Det veks store lauvtre og einer på røysa.Røysa fk.nr. 1/2 er 10-12 m i tverrmål, opp til 1,5 m høg og ho er sterkt overgrodd med lyng og mosetorv. I nordaustlege del av røysa er eit søkk, ca. 1,5x1 m vidt og 1 m djupt. Her ligg det synleg 0,2-0,6 m store steinar/blokker.