Jernvinneanlegget inneheld fleire kolgroper (kolmiler) og spreidde funn av slagg. Kolgropene ligg på begge sider av vegen der det står ein 0,75 m høg merkestein i vegkanten på sørsida. På nordsida av vegen ligg det tre groper og på sørsida ei. Dei er 5-7 m i tverrmål og opp mot 1,5 m djupe. Den eine på nordsida av vegen merker seg ut med opning mot O. Om mogleg kan dette vera restane av ei tuft. I sjølve vegbana mellom kolgropene ligg det ein heil del 0,2-0,5 m store slaggklumpar. Noko lenger mot V ligg det også to mogelege groper på nordsida av vegen.Peder Fylling omtalar spor etter jernutvinning her i området i ei oppteikning i 1877 (sjå R 1 under Lande).