Loft i 2 høgder med eitt lafta rom i kvar høgd med trapp i inngangssvala. Innkledd burssval nede og oppe er det innkledd sval framfor loftsdøra, svalgangar på langsidene og rest av svalgang på bakre gavlvegg. Desse 3 svalgangane er gjort smalare enn opphaveleg. Burssvala har tileveggar medan svalgangane oppe er kledde med ståande tømmermannspanel. Loftet er fundamentert med holdsteinar og vanleg underbunad med sviller, klauver og museflak.